香港人一講起買傢俬都會諗起Ikea，因為款式比較多同埋可以選擇唔同配件，咁就可以滿足唔同屋主嘅需要。上篇文章我哋介紹咗Landskrona，Stockholm和Kivik三大梳化系列，今次我哋會繼續介紹宜家傢私另外兩款梳化系列。
Ektorp
Ektorp梳化系列有非常典型嘅田園設計風格。佢其中一個特點係提供大量梳化套選擇，而且可以拆出來用水洗的。另外，Ektorp梳化系列另一個令人印象深刻嘅地方，就是梳化兩邊嘅邊緣扶手設計非常圓潤，會比人一種非常舒適溫暖嘅感覺。Ektorp梳化嘅內膽係由高彈海綿同聚酯纖維填料製成，當你坐下去嘅時候，身體都會有一個非常舒適嘅承托。不過Ektorp梳化有一個問題要注意，就係梳化內膽係沒有彈簧芯，所以坐耐咗可能會出現座位塌陷嘅問題。
Ektorp– 參考設計1
Ektorp – 參考設計2
Ektorp – 參考設計3
Klippan
Klippan梳化系列係上世紀80年代就已經推出，但是就算經過了40年，呢個系列都依然係王牌之一！首先係因為Klippan梳化嘅價值實惠，而且又好穩陣！佢外框是由實木，膠合板和金屬構建而成的，再加上座套表面唔易磨損，而且可以清洗替換，所以好多追求「襟用」嘅買家嚟講，係唔錯嘅選擇！不過因為呢款梳化嘅扶手同靠背係連埋一齊，會有用家覺得頸部既位置得唔到好嘅支撐。
Klippan梳化- 參考設計1
Klippan梳化- 參考設計2
Klippan梳化- 參考設計3
無論你係想搵舒適，或者設計獨特嘅梳化，你都會可以係Ikea搵到，等你可以打造專屬嘅Dream House啦！
